Vazhdon vala e të nxehtit në Japoni, numri i të shtruarve në spital po rritet

Azia

Vazhdon vala e të nxehtit në Japoni, numri i të shtruarve në spital po rritet

Më: 28 qershor 2022 Në ora: 10:02
Ilustrim

Numri i të shtruarve për shkak të temperaturave ekstreme është rritur që nga mëngjesi i sotëm, kur 13 persona u transferuan në spital, sipas mediave vendase, ndërsa të paktën dy vdiqën si pasojë e goditjes nga të nxehtit.

Japonia është ende nën valën e të nxehtit sot, për të katërtën ditë radhazi, pasi kryeqyteti Tokio theu rekordet pothuajse 150-vjeçare të temperaturës për muajin qershor dhe autoritetet i bëjnë thirrje popullatës që të përdorë më pak energji elektrike, duke paralajmëruar se furnizimi me energji elektrike do të jetë i vështirë.

Për tre ditë, temperaturat në Tokion qendrore ishin mbi 35 gradë Celsius, seria më e ngrohtë që kur meteorologët filluan regjistrimin e temperaturave në 1875, ndërsa në qytetin Isesaki, në veriperëndim të kryeqytetit, u regjistruan një rekord prej 40.2 gradë gjatë fundjavës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat