​Tre të vrarë nga një shpërthim në afërsi të Bagdadit

Azia

​Tre të vrarë nga një shpërthim në afërsi të Bagdadit

Më: 14 dhjetor 2022 Në ora: 16:40
Foto ilustrim

Tre anëtarë të forcave irakiane të sigurisë u vranë sot në një shpërthim pranë Bagdadit.

Shpërthimi ndodhi gjatë një operacioni të sigurisë nga ushtria irakiane në distriktin Tarmi, kur ata ose u zunë pritë ose u vunë në shënjestër me mjete shpërthyese të improvizuara dhe autorët nuk dihen ende, njoftoi ushtria irakiane.

Hetimet për shkaqet e shpërthimit do të drejtohen nga komandanti i forcave tokësore irakiane, gjenerallejtënant Kais al-Muhamedavi.

Kontrolli i Shtetit Islamik mbi territorin e Irakut dhe Sirisë u thye pas vitesh konflikti, por shumë "sulmues të fjetur" më pas kryen sulme që vranë shumë irakianë dhe sirianë.

Anëtarët e Shtetit Islamik në Irak po përdorin vakumin e sigurisë në një pjesë të territorit në veri për sulme, i cili u krijua për shkak të mosmarrëveshjes aktuale midis Bagdadit dhe Irbilit, kryeqytetit të rajonit gjysmë autonom të Irakut të qeverisur nga kurdët. 

comment Për komente lëvizni më poshtë
Sot mund të lexoni Shfletoni kopertinat