Udhëheqësi i opozitës izraelite kritikon Netanyahun: Katastrofë politike për Izraelin

Azia

Udhëheqësi i opozitës izraelite kritikon Netanyahun: Katastrofë politike për Izraelin

Më: 8 prill 2026 Në ora: 10:05
Yair Lapid

Udhëheqësi i opozitës izraelite, Yair Lapid, ka kritikuar ashpër mënyrën se si kryeministri Benjamin Netanyahu ka menaxhuar situatën e luftës, pas deklaratës së Netanyahut gjatë natës në mbështetje të armëpushimit të propozuar nga presidenti amerikan, Donald Trump.

Lapid e ka quajtur situatën një “katastrofë politike” për Izraelin. “Izraeli as nuk ishte në tryezën e bisedimeve kur u morën vendimet që lidhen me sigurinë tonë kombëtare,” tha ai.

Ai shtoi se “ushtria bëri gjithçka që i kërkuan, publiku tregoi një qëndrueshmëri të jashtëzakonshme, por Netanyahu dështoi politikisht, dështoi strategjikisht dhe nuk përmbushi asnjë nga qëllimet që ai vetë vendosi.”

Zyra e Netanyahut bëri të ditur se armëpushimi dyjavor nuk do të përfshijë Libanin, ndonëse Irani dhe Pakistani thanë se marrëveshja do të përfshijë edhe këtë vend.

comment Për komente lëvizni më poshtë
Sot mund të lexoni Shfletoni kopertinat