Pesë të vdekur nga zjarri në fabrikën për prodhimin e vaksinave në Indi

Bota

Pesë të vdekur nga zjarri në fabrikën për prodhimin e vaksinave në Indi

Më: 21 janar 2021 Në ora: 15:57
Zjarri në fabrikën për prodhimin e vaksinave në Indi

Së paku pesë persona vdiqën nga një zjarr që shpërtheu në një fabrikë që ishte në ndërtim e sipër në Indi. Fabrika ishte e Institutit “Pune at Serum”, që është prodhuesi më i madh i vaksinave në botë, i cili po i prodhon edhe vaksinat e AstraZeneca-s dhe Universitetit të Oksfordit kundër Covid-19.

Murlidhar Mohol, kryetar i qytetit Pune të rajonit Maharashtra, tha se pesë trupa u gjetën nën rrënoja pasi zjarrfikësit e shuan zjarrin. Sipas tij, ka mundësi që viktimat të kenë qenë punëtorë të ndërtimtarisë, të cilët po punonin për ndërtimin e fabrikës.

Ky zyrtar shtoi se ende nuk dihet shkaktari i zjarrit dhe nuk është e qartë çfarë dëmesh janë shkaktuar në ndërtesë.

Image

Shefi ekzekutiv i këtij prodhuesi të vaksinave, Adar Poonwala, tha se është thellësisht i pikëlluar nga vdekja e jetës së njerëzve. Sidoqoftë, ai tha se nuk do të ketë pakësim të prodhimit të dozave, sepse kompania ka fabrika të tjera të gatshme për prodhim.

Zyrtarët e kompanisë thanë se zjarri ndodhi në fabrikën ndërtimi i së cilës kishte për synim që të shtohej kapaciteti prodhues. Megjithatë, shtuan se zjarri nuk do të ndikojë në prodhimin e rreth 50 milionë dozave.

commentFirst article
Sot mund të lexoni Shfletoni kopertinat