Shoferi i ekskavatorit nuk e sheh 61-vjeçaren, e godet me “lugë” dhe e fut nën rrota – humb jetën gruaja nga Brooklyn

Bota

Shoferi i ekskavatorit nuk e sheh 61-vjeçaren, e godet me “lugë” dhe e fut nën rrota – humb jetën gruaja nga Brooklyn

Më: 10 mars 2021 Në ora: 12:32
Pamje nga vendi i ngjarjes

Videoja rrëqethëse e siguruar dhe publikuar nga New York Post, ka zgjidhur misterin e asaj se çfarë në të vërtetë kishte ndodhur me gruan, e cila ishte shtypur për vdekje gjatë të premtes së kaluar në një rrugë të Brooklyn.

Ajo fillimisht ishte goditur nga “luga” e ekskavatorit, dhe më pas shoferi duke mos e vërejtur fare kishte vazhduar rrugëtimin duke e futur nën rrota.

Në video shihet punonjësi i një kompanie ndërtimore duke goditur me lugë të ekskavatorit 61-vjeçaren Estelle Davis, ku nga goditja e fuqishme e përplas për tokë dhe më pas e tërheq zvarrë nëpër rrugë.

Është interesant se si shoferi i ekskavatorit e as një punonjësi tjetër nuk e vërejnë gruan, që rrëzohet dhe zhduket nën mjetin e rëndë transportues.

Megjithatë, pasi largohet ekskavatori shfaqet trupi i gruas së shtrirë në rrugë e cila kishte mbetur e vdekur në vend, por që këtë e kishin konfirmuar mjekët me të dërguar në spital.

Policia fillimisht kishte njoftuar se viktima mund të jetë goditur nga një veturë, dhe kështu kishin vazhduar hetimet lidhur me incidentin. E deri më tani askush nuk është arrestuar lidhur me këtë çështje.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat