Sulmi kibernetik bllokon operacionet e një rrjeti supermarketesh në Suedi

Bota

Sulmi kibernetik bllokon operacionet e një rrjeti supermarketesh në Suedi

Më: 4 korrik 2021 Në ora: 01:55
Some 500 Coop supermarket stores in Sweden have been forced to close due to an ongoing "colossal" cyber-attack affecting organisations around the world.

Një nga rrjetet më të mëdha të supermarketeve në Suedi njoftoi të shtunën se ka mbyllur përkohësisht afro 800 dyqane pasi një sulm kibernetik bllokoi sistemin e kasave.

"Një ndër filialet tona u godit nga një sulm kibernetik që ka bërë të bllokohen kasat,” njoftoi kompania Coop Sweden e cila përfaqëson 20% të shitjes me pakicë të produkteve ushqimore në Suedi.

Coop Sweden nuk përmendi filialin apo metodën që ishte përdorur për të realizuar sulmin e së premtes.

Por një incident i tillë pason akte të ngjashme hakerimi në shkallë globale, përfshirë në Shtetet e Bashkuara.

Sulmet kibernetike të kësaj natyre zakonisht realizojnë bllokimin e sistemit operues përmes një kodi special sekret, duke i kërkuar kompanisë të paguajë për të zhbllokuar sistemin.

Image
A sign on one of the shut Coop shops in Sweden says the company has been hit by "a large IT disturbance"

Vjet, hakerët zhvatën 18 miliardë dollarë përmes sulmeve të tilla, sipas një firme të specializuar sigurie.

Kompania amerikane e teknologjisë informatike, Kaseyau bëri thirrje të premten klientëve të saj të fiknin serverat që punonin me platformën e saj VSA, pasi dhjetëra prej tyre ishin sulmuar.

Gjatë javëve të fundit, sulme të tilla kanë goditur tubacione për shpërndarjen e naftës, shërbime shëndetësore dhe firma të fuqishme. Presidenti Joe Biden ka reaguar duke e ngritur këtë temë edhe në takimin që zhvilloi në qershor me homologun rus Vladimir Putin.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat