Vendi i cili miraton vaksinën e parë të ADN-së në botë kundër Covid

Bota

Vendi i cili miraton vaksinën e parë të ADN-së në botë kundër Covid

Më: 22 gusht 2021 Në ora: 13:06
Foto ilustrim

Çfarë e bën këtë vaksinë ndryshe?

Rregullatori i ilaçeve në Indi ka miratuar vaksinën e parë të ADN-së në botë kundër Covid-19 për përdorim urgjent. Vaksina me tre doza, ZyCoV-D, parandaloi sëmundjen simptomatike në 66% të personave të vaksinuar, sipas një studimi të përkohshëm nga prodhuesi i vaksinave Cadila Healthcare, shkruan BBC.

Cadila Healthcare tha se ka kryer provën më të madhe klinike për vaksinën në Indi deri më tani, duke përfshirë 28,000 vullnetarë në më shumë se 50 qendra. Kjo është gjithashtu hera e parë, pretendoi firma, që një vaksinë Covid-19 ishte testuar tek të rinjtë në Indi -1.000 njerëz që i përkisnin grupmoshës 12-18 vjeç

Vaksina u zbulua se ishte “e sigurt dhe tolerohet shumë mirë” në këtë grupmoshë.Firma planifikon të bëjë deri në 120 milionë doza të vaksinës. Vaksinat e mëparshme të ADN -së kanë funksionuar mirë te kafshët, por jo te njerëzit.

Si funksionon kjo vaksinë?

ADN dhe ARN janë molekula që bartin atë informacion gjenetik i cili transmetohet nga prindërit te fëmijët. Ashtu si vaksinat e tjera, një vaksinë e ADN-së, pasi hyn në trup, mëson sistemin imunitar të trupit për të luftuar virusin e vërtetë. ZyCoV-D përdor plazmidet ose unazat e vogla të ADN-së, që përmbajnë informacion gjenetik, për ta dërguar dozën midis dy shtresave të lëkurës.

Çfarë e bën këtë vaksinë ndryshe?

Kjo është vaksina e parë njerëzore e ADN-së në botë kundër Covid-19. Ekzistojnë një numër vaksinash të ADN-së të miratuara në SHBA, për përdorim në kafshë, por më shumë se 160 vaksina të ndryshme të ADN-së po testohen në provat klinike te njerëzit në SHBA. Shumica i janë përkushtuar trajtimit të kancerit ekzistues dhe një e treta e vaksinave ishin për trajtimin e HIV.

ZyCov-D është gjithashtu vaksina e parë indiane, për Covid-19, pa gjilpërë. Ajo kryhet me një injeksion të disponueshëm pa gjilpërë, i cili përdor një rrjedhë të ngushtë të lëngut për të depërtuar në lëkurë dhe për të dhënë dozën në indin e duhur.

Cilat janë avantazhet e një vaksine të ADN-së?

Shkencëtarët thonë se vaksinat e ADN-së janë relativisht të lira, të sigurta dhe të qëndrueshme.

Ato gjithashtu mund të ruhen në temperatura më të larta – 2 deri në 8C.

Cadila Healthcare pohon se vaksina e tyre kishte treguar “qëndrueshmëri të mirë” në 25C për të paktën tre muaj – kjo do të ndihmonte që vaksina të transportohej dhe ruhej me lehtësi.

Cilat janë të metat e një vaksine të ADN-së?

Vaksinat e ADN-së të zhvilluara për sëmundjet infektive te njerëzit kanë dështuar në të kaluarën.

Vaksinat mRNA – si Pfizer ose Moderna – nuk kanë nevojë të arrijnë në bërthamën e qelizës për të qenë efektive dhe për të ofruar efikasitet më të lartë dhe ka të ngjarë të prodhojnë imunitet më afatgjatë.

Pengesa tjetër e mundshme është se ZyCoV-D kërkon tre doza, jo dy si të tjerat. 

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat