Ndodh edhe kjo, edhe pse është një prej pikëkalimeve më të fortifikuara në botë – një person arratiset nga Koreja e Jugut në drejtim të asaj të Veriut

Bota

Ndodh edhe kjo, edhe pse është një prej pikëkalimeve më të fortifikuara në botë – një person arratiset nga Koreja e Jugut në drejtim të asaj të Veriut

Më: 2 janar 2022 Në ora: 15:25
Foto ilustrim

Kemi dëgjuar raste kur qytetarë të shumtë arratisen nga Koreja e Veriut në kërkim të një jetë më të mirë në Korenë e Jugut – por e kundërta ka ndodhur këto ditë kur një person përmes kufirit tokësor u fut në Korenë e Veriut.

Siç ka njoftuar Komiteti i Përbashkët i Shtabit të Koresë së Jugut, ky person u zbulua të shtunën rreth orës 21:20, ku me ndihmën e pajisjeve për mbikëqyrje në “zonën e demilitarizuar” që ndanë dy Koretë, u fut nga Koreja e Jugut në atë të Veriut.

“Është konfirmuar se ky person kaloi linjën ushtarake përgjatë kufirit në veri”, thuhet ndër tjera në kumtesë.

Personi i lartpërmendur akoma nuk është identifikuar, ka bërë të ditur një zyrtar i Komitetit, duke shtuar se autoritetet jugkoreane i kanë dërguar mesazh verikoreanëve lidhur me incidentin. Madje ushtria është vënë në kërkim të tij – por pa ndonjë rezultat.

Për shkak të varfërisë dhe represionit mbi 30 mijë njerëz kanë ikur nga Koreja e Veriut në atë të Jugut (nga lufta e Koresë nga 1950-1953), por kalimet në anën tjetër janë tejet të rralla.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat