Po tërhiqen?! Zyrtari amerikan lëshon alarmin: Dy të tretat e ushtrisë ruse po zhvendosen në Bjellorusi

Bota

Po tërhiqen?! Zyrtari amerikan lëshon alarmin: Dy të tretat e ushtrisë ruse po zhvendosen në Bjellorusi

Më: 4 prill 2022 Në ora: 21:37
Ukrainë, prill 2022

Ukraina ka hyrë në javën e gjashtë të luftimeve me Rusinë, teksa duket se sulmet nga ana e kundërshtarit janë të pamëshirshme dhe kanë shkaktuar qindra viktima civilë.

Bëhet me dije për mediat e huaja se një zyrtar i mbrojtjes amerikane ka thënë se rreth dy të tretat e trupave ruse të pozicionuara zyrtarisht rreth Kievit po zhvendosen drejt Bjellorusisë.

Nga ana e saj SHBA beson se trupat po furnizohen dhe ndoshta përforcohen me fuqi shtesë përpara se të kthehen në Ukrainë për të vazhduar luftimin.

Zyrtari në fjalën e tij tha gjithashtu se trupat me shumë gjasa do të zhvendosen në pjesën lindore të vendit në rajonin e Donbasit, por ato ende mund të ndryshojnë diskursin.

“Kjo nuk do të thotë se Kievi nuk është nën kërcënim,” shtoi zyrtari, shkruan Skynews.

Inteligjenca tha gjithashtu se “shumica dërrmuese” e më shumë se 125 Grupeve Taktike të Batalioneve Ruse (BTG) janë ende në Ukrainë.

Duke folur mbi raportet e fundit të mizorive në Bucha, zyrtari tha se pretendimet ishin “qartësisht shqetësuese”.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat