Sulm me bombë në Afganistan, të paktën 28 viktima

Bota

Sulm me bombë në Afganistan, të paktën 28 viktima

Më: 21 prill 2022 Në ora: 18:47
Foto ilustrim

Të paktën 28 persona u vranë dhe dhjetëra u plagosën pas bombardimeve në disa qytete të mëdha afgane, thanë zyrtarët lokalë.

Më vdekjeprurësi ishte një shpërthim në një xhami shiite në qytetin verior të Mazar-e-Sharif. Shpërthimi mori të paktën 20 jetë dhe plagosi 60, tha një mjek në kryeqytetin e provincës për dpa.

Shteti Islamik njoftoi se ishte përgjegjës për shpërthimin në Mazara Sharif.

Shpërthimi i dytë shkaktoi të paktën 11 viktima të tjera në Kunduz, një qytet tjetër në Afganistanin verior dhe një i tretë në qytetin lindor të Nangarhar, raporton dw.

Në Mazara Sharif, një mjet shpërthyes i improvizuar u shpërthye në një xhami në qendër të qytetit gjatë lutjeve, tha zëdhënësi i policisë talebane, Muhammad Asif Waziri.

Dëshmitarët thonë se numri i të vdekurve është shumë më i madh, pra se të paktën 50 persona janë vrarë. Forcat e sigurisë talebane dyshohet se rrethuan zonën dhe konfiskuan telefonat celularë nga njerëzit në vendngjarje dhe gazetarëve iu mohua qasja.

Pas tërheqjes së forcave të NATO-s dhe kapjes së kryeqytetit Kabul, talebanët kanë premtuar vazhdimisht se do të sjellin paqe në vend. Pas marrjes së pushtetit, ata kufizuan më tej liritë e medias në vend.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat