Vladimir Putin nuk arriti të bënte dy gjëra më 9 maj: të festonte fitoren dhe të thërriste mobilizimin e përgjithshëm. Bota tani është në mëdyshje se çfarë po bën despoti rus. Studiuesi i luftës Lawrence Freedman ka një teori të qartë se si lufta mund të vazhdojë dhe të përfundojë.
Studiuesi britanik i luftës Lawrence Freedman, Profesor i çmuar në King's College në Londër , ka paraqitur një teori të re se si lufta në Ukrainë mund të vazhdojë - dhe të përfundojë -. Freedman analizoi fjalimin e 9 majit të Vladimir Putin , situatën aktuale në Ukrainën lindore dhe gjendjen e ushtrisë ruse .
Vëzhgimet e Freedman më 9 maj
Së pari, Freedman përshkruan vëzhgimet e tij të 9 majit, "Ditës së madhe të Fitores" në Rusi.
1. Vladimir Putin nuk ka shpallur fitoren. Freedman mendon se thjesht nuk kishte mjaftueshëm për të treguar për të.
2. Putin nuk bëri thirrje për mobilizim të madh. Freedman beson se Putini e di se duke bërë një gjë të tillë do t'i sillte pak avantazhe në fushën e betejës - por potencialisht vështirësi më të mëdha të brendshme.
3. Kishte më pak ushtarë se zakonisht. Arsyeja, është e thjeshtë, tha Freedman. Shumica e trupave të dislokueshme janë aktualisht në luftime. Freedman shkruan: "Në vend që të prezantonin një ushtri në prag të triumfit ushtarak, trupat e Putinit u shfaqën të rraskapitura".
4. Shfaqja ishte shumë më e vogël se zakonisht. Fridman shpjegon se parada ushtarake tregoi pak pajisje luftarake dhe madje shfaqja ajrore u anulua fare. Kjo mund të jetë edhe për faktin se shumë pajisje ushtarake janë në përdorim - ose tashmë janë shkatërruar.
Përfundimet e Freedman nga vëzhgimet:
Freedman përfundon nga Dita e Fitores: "Ushtria ruse nuk është ajo që është parë prej kohësh", shkruan Freedman. Kjo u tregua gjatë marshimit në Kiev. Dhe tani po shfaqet edhe në ofensivën e dytë në Ukrainën lindore. “Ka përfitime minimale për Rusinë, ndërsa Ukraina madje nis kundërsulme të suksesshme. Rusët kanë mbledhur pothuajse gjithçka që mund të grumbullojnë. Kanë mbetur vetëm pak rezerva.” Dhe kjo forcë duket se nuk mjafton.
Për më tepër, ushtria e Putinit po humbë ende sasi masive të pajisjeve ushtarake, ndërsa Ukraina po armatoset nga Perëndimi. Prandaj nuk është për t'u habitur që ka raporte se komandantët rusë nuk duan më të dërgojnë ushtarët e tyre në front.
Skenari i Freedman për përfundimin e luftës:
Freedman e përshkruan situatën aktuale si më poshtë:
“Aktualisht të gjithë besojnë se lufta do të vazhdojë për një kohë të gjatë. Arsyet: Ukraina nuk dëshiron t'i japë asnjë territor Rusisë. Dhe Rusia ka investuar shumë në luftë, për të hequr dorë tani.” Nëse gjërat vazhdojnë siç janë, një ngërç mund të zhvillohet së shpejti. Është e mundur që operacionet luftarake të reduktohen sepse të dyja palët nuk mund të bëjnë kaq shumë përpjekje në planin afatgjatë.
Por është gjithashtu e mundur që Rusia të pësojë një disfatë. Ushtria e Putinit ende mund të shkaktojë dëme të mëdha në Ukrainë - për shembull përmes sulmeve ajrore dhe një bllokadë detare në Detin e Zi. Por Ukraina ka dëshmuar se është e aftë të vuajë dhe ruan sovranitetin e saj.
Prandaj, skenari i mëposhtëm është veçanërisht i mundshëm për Freedman: "Është e mundur që ofensiva e dytë në Ukrainën lindore të përfundojë në të njëjtën mënyrë si ofensiva e parë." Para së gjithash, ndoshta do të bëhet e qartë se Rusia nuk mund të fitojë. Më pas do të diskutohet nëse do të kthehet në tryezën e bisedimeve. Dhe atëherë forcat ruse nuk do të jenë më në gjendje të qëndrojnë dhe do të tërhiqen. "Por këtë herë, tërheqja do të thoshte humbje," tha Freedman.
Rusisa nuk do ta pëlqejë këtë. Nëse as mobilizimi në shkallë të gjerë nuk është një opsion, atëherë Putini ka vetëm një zgjidhje për të shmangur humbjen: një armëpushim sa më shpejt të jetë e mundur. Ai mund të shpëtonte atë që ishte në gjendje të pushtonte deri tani. Freedman shkruan: "Putini mund të vendosë që më mirë të minimizojë viktimat e tij, sesa ta përkeqësojë këtë luftë për të gjithë të përfshirët në te."
Nga Gjermanishtja Sherif Ramabaja
