Forcat ruse kanë "shkatërruar plotësisht" rajonin e Donbasit në Ukrainën lindore, ka thënë presidenti ukrainas Volodymyr Zelensky, në një fjalim të vonshëm, raporton BBC, përcjell Bota sot.
Ai gjithashtu akuzoi Moskën për kryerjen e "bombardimeve të pakuptimta" ndërsa intensifikoi ofensivën e saj në rajon.
Rusia ka zhvendosur pjesën më të madhe të fokusit të luftës së saj në Ukrainën lindore, pasi tërhoqi forcat e saj nga afër kryeqytetit Kiev.
“Në Donbas, pushtuesit po përpiqen të ushtrojnë edhe më shumë presion”, thotë Zelensky.
"Është ferr atje - dhe kjo nuk është një ekzagjerim," shton ai.
