Raketat ruse shkatërruan tanke T-72 dhe automjete të tjera të blinduara pranë Kievit që ishin furnizuar nga vendet e Evropës Lindore në Ukrainë, tha të dielën ministria ruse e mbrojtjes.
Ministria shtoi se Forcat Hapësinore Ruse përdorën raketa me precizion të lartë të lëshuar nga ajri me rreze të gjatë veprimi në sulmet në periferi të kryeqytetit, duke goditur ndërtesat e një ndërmarrje për riparimin e makinave, raporton CNN, përcjell Bota sot.
Sfondi: Njoftimi rus vjen pas shpërthimeve të shumta që tronditën Kievin të dielën në mëngjes, në sulmet e para në kryeqytet pas disa javësh. Kryetari i bashkisë së Kievit, Vitali Klitschko tha se një person është shtruar në spital.
Qeveria ukrainase konfirmoi se një objektiv ushtarak u godit nga një raketë ruse në Kiev të dielën.
"Një objekt ushtarak u godit dhe një civil. Nuk ka viktima, një person u shtrua në spital," tha Vadym Denysenko, këshilltar i Ministrit të Punëve të Brendshme të Ukrainës.
