OKB: Refugjatët sirianë të trajtohen njësoj si ukrainasit

Bota

OKB: Refugjatët sirianë të trajtohen njësoj si ukrainasit

Më: 5 korrik 2022 Në ora: 11:58
Foto ilustrim

Sipas Organizatës të Kombeve të Bashkuara, më shumë se 300,000 qytetarë sirianë kanë vdekur në dhjetë vitet e fundit për shkak të luftës që ende po shkatërron vendin. Konflikti, i cili filloi në vitin 2011, nuk është afër fundit.

Në një intervistë me Euronews, kryetari i Komisionit të Sirisë të OKB-së, Paulo Pinheiro tha se këto shifra të cilat nuk përfshijnë ushtarët pasqyrojnë peshën e situatës.

“Diçka që raporti zbulon shumë qartë është mungesa e mbrojtjes së civilëve. Asnjë fraksion, asnjë palë në konfliktin në Siri nuk kujdeset për mbrojtjen e jetëve të civilëve. Ky është realiteti,” tha Pinheiro.

Ai shprehu gjithashtu keqardhje për ato që tha se janë dëshpëruese standardet e dyfishta të pritjes së refugjatëve, kur krahason trajtimin e sirianëve dhe ukrainasve.

“Ka një çiltërsi dhe bujari ndaj Ukrainës që unë nuk e kritikoj fare. Ata e merituan. Por do të doja shumë që e njejta gjë të zbatohej edhe për refugjatët sirianë,” tha Pinheiro.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat