Publikohen pamje të reja/ Si u sulmua nga një 24-vjeçar shkrimtari i njohur i “Vargjeve Satanike”

Bota

Publikohen pamje të reja/ Si u sulmua nga një 24-vjeçar shkrimtari i njohur i “Vargjeve Satanike”

Më: 12 gusht 2022 Në ora: 23:41
foto ilustrim

Janë publikuar pamje të reja të sulmit me thikë të shkrimtarit me origjinë indiane, Salman Rushdie, i cili para disa viteve u urdhërua të vritej nga Irani për shkak të shkrimeve të tij.

Ai u sulmua në skenë gjatë një eventi në Nju Jork, sipas një dëshmitari që foli për agjencinë e lajmeve Reuters.

Një person, 24 vjeç i identifikuar si Hadi Matar nxitoi në skenën e Institutit Chautauqua në shtetin e Nju Jorkut dhe sulmoi Rushdie teksa po prezantohej, tha dëshmitari. Sulmuesi mësohet se është ndalur në vendngjarje. Ndërsa Salman Rushdie i është nënshtruar një operacioni.

“Ne kemi të bëjmë me një situatë emergjente. Nuk mund të ndaj detaje të mëtejshme në këtë moment,” tha një zëdhënës i Institutit Chautauqua kur u kontaktua nga agjencia e lajmeve Reuters.

Rushdie, i cili ka lindur në një familje myslimane indiane, është përballur me kërcënime me vdekje për romanin e tij të katërt, “Vargjet Satanike”, për të cilin disa myslimane thanë se përmbante pasazhe blasfemuese. Romani u ndalua në shumë vende me popullsi të madhe myslimane pas botimit të tij në vitin 1988.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat