Angela Merkel fiton çmimin e OKB-së për refugjatët

Bota

Angela Merkel fiton çmimin e OKB-së për refugjatët

Më: 4 tetor 2022 Në ora: 14:48
Angela Merkel

Ish-kancelarja gjermane Angela Merkel ka fituar çmimin prestigjioz Nansen të agjencisë së refugjatëve të Kombeve të Bashkuara. Ajo ka marrë vlerësime për vendosmërinë e saj për të mbrojtur azilkërkuesit gjatë kohës që ishte në detyrë.

Çdo vit çmimi i jepet një personi, grupi ose organizate që ka mbrojtur refugjatët, personat e zhvendosur brenda vendit ose personat pa shtetësi.

Nën udhëheqjen e ish kancelaresMerkel , Gjermania mirëpriti më shumë se 1.2 milion refugjatë dhe azilkërkues në 2015 dhe 2016, – në kulmin e konfliktit në Siri dhe mes dhunës vdekjeprurëse diku tjetër.

Në atë kohë, kancelarja tha: “Ishte një situatë që vuri në provë vlerat tona europiane. Nuk ishte asgjë më shumë apo më pak se një imperativ humanitar”.

Ajo u bëri thirrje bashkëkombësve të saj gjermanë që të refuzojnë nacionalizmin dhe u kërkoi atyre të jenë “të sigurt në vetvete, të lirë, të dhembshur dhe mendjehapur”, tha UNHCR në deklaratën e saj.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat