Ukraina dhe Rusia shkëmbejnë sërish të burgosurit

Bota

Ukraina dhe Rusia shkëmbejnë sërish të burgosurit

Më: 27 nëntor 2022 Në ora: 09:21
Disa ushtarë të liruar nga forcat ruse.

Rusia dhe Ukraina kanë njoftuar se kanë kryer një shkëmbim të ri të të burgosurve të luftës, gjatë të cilit u liruan dymbëdhjetë ukrainas dhe nëntë rusë.

"Një tjetër shkëmbim i robërve të luftës. Ne arritëm lirimin e dymbëdhjetë (ukrainasve). Ushtarët tanë, të cilët mbronin Mariupolin, Çernobilin (centralin bërthamor) dhe ishullin e Gjarprit, po kthehen në shtëpi", tha në Twitter shefi i shtabit të presidentit ukrainas, Andriy Yermak, më 26 nëntor.

Ndërkohë, Ministria ruse e Mbrojtjes njoftoi se nëntë rusët e kapur ishin liruar “si rezultat i procesit të negociatave”.

Që nga nisja e pushtimit rus të Ukrainës në muajin shkurt, Rusia dhe Ukraina kanë shkëmbyer disa herë të burgosurit e luftës./REL

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat