Izraeli sulmon Rripin e Gazës, reagon BE e shqetësuar

Bota

Izraeli sulmon Rripin e Gazës, reagon BE e shqetësuar

Më: 4 dhjetor 2022 Në ora: 11:40
Izraeli sulmon Rripin e Gazës

Rinisin sulmet ajrore në Gaza. Avionët luftarakë izraelitë kanë sulmuar disa vende në Rripin e Gazës pasi një raketë ra në jug të Izraelit. Tensionet janë rritur pasi javën e kaluar u vranë 10 palestinezë nga forcat izraelite, raporton AL Jazzera.

Ushtria izraelite tha se sulmet ajrore në orët e para të së dielës kishin në shënjestër një objekt të prodhimit të armëve dhe një tunel nëntokësor që i përkiste Hamasit.

Shefi i politikës së jashtme të Bashkimit Evropian, Josep Borrell doli ​​një deklaratë duke thënë se ai ishte “shumë i shqetësuar për nivelin në rritje të dhunës në Bregun Perëndimor të pushtuar”.

“Vetëm gjatë ditëve të fundit, 10 palestinezë janë vrarë nga ISF (Forcat e Sigurisë izraelite). Vrasja tragjike e djeshme e një palestinezi, Ammar Mifleh, nga një anëtar i ISF (Forcat e Sigurisë izraelite) ishte shembulli i fundit”, tha Borrell.

Të paktën 207 palestinezë janë vrarë në territoret e pushtuara të Rripit të Gazës, Bregut Perëndimor dhe Jerusalemit Lindor gjatë këtij viti.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat