LIVE/ Rriten shifrat, mbi 12,000 numri i të vdekurve nga tërmeti – Skena të tmerrshme pas tërmetit në Siri

Shumica prej videove të shpëtimit që janë publikuar nga Siria veri-perëndimore vijnë prej qytetit të vogël të Jindayrisit, ku rreth 50 ndërtesa raportohet se janë shembur.

Të martën, një mjek në një spital lokal tha se një vajzë e porsalindur që u filmua duke u nxjerrë nga rrënojat është në gjendje të mirë shëndetësore. Nëna, babai, katër vëllezërit e motrat si dhe halla e saj nuk kanë mbijetuar, raporton bbc.

Helmetat e Bardha, reaguesit e parë vullnetarë të të cilët drejtojnë përpjekjet e shpëtimit në zonat e kontrolluara nga opozita, pohuan se mbi 300 njerëz deri më tani kanë vdekur vetëm në Jindayris.

Raed al-Saleh shkroi në Twitter se 800 të tjerë kanë pësuar lëndime dhe paralajmëroi se ka “skena të tmerrshme në terren”.

“Një situatë katastrofale, shkatërrime kudo”, shkroi ai dhe shtoi se “qindra familje janë ende nën rrënoja dhe ekipet tona po punojnë në vendet e shkatërruara”.

Kjo pamje me dron që shfaq shkatërrimet në Jindayris u publikua në rrjetet sociale nga Helmetat e Bardha.

Numri i personave të vdekur nga tërmeti në Turqi dhe Siri është rritur në të paktën 12,049.

Kjo vjen pasi mbrojtja civile e Sirisë tha se të paktën 1,730 njerëz janë konfirmuar të vdekur në Sirinë veriperëndimore.

Mbrojtja civile siriane tha se numri i viktimave është rritur në 1,730, me më shumë se 2,850 të plagosur.

Më herët, presidenti turk Recep Tayyp Erdogan, tha se numri i të vdekurve në vendin e tij është rritur në 9,057, raporton Guardian.

Sekretari amerikan i Shtetit, Antony Blinken, ka thënë se humbja e jetëve në tërmetin në Turqi dhe Siri që ka vrarë mbi 11,700 njerëz ka qenë “me të vërtetë tronditëse”.

Shtetet e Bashkuara kanë vendosur më shumë se 150 personel kërkim-shpëtimi në Turqi, tha Blinken, duke shtuar se Uashingtoni do të ketë më shumë për të thënë në ditët në vijim rreth mënyrës se si Shtetet e Bashkuara do të vazhdojnë të mbështesin popullin turk dhe sirian ndërsa rimëkëmben nga shkatërrimi, përcjell Bota sot.

“Për sa i përket Sirisë, unë nuk jam në dijeni të ndonjë kontakti midis qeverisë së Shteteve të Bashkuara dhe qeverisë siriane në ditët e fundit që nga tërmeti,” tha Blinken, duke shpjeguar se SHBA-të po përpiqen të sigurohen që ndihma të arrijë te njerëzit e duhur përmes duke punuar me partnerët e OJQ-ve.

Turqia po punon për hapjen e dy portave të tjera kufitare me Sirinë për të mundësuar rrjedhën e ndihmave humanitare për fqinjin e saj të goditur nga tërmeti, tha ministri i Jashtëm turk Mevlut Cavusoglu, përcjell Bota sot.

Porta kufitare Bab al-Hawa është e vetmja e hapur për ndihmë humanitare nën autorizimin e Këshillit të Sigurimit të Kombeve të Bashkuara, por Cavusoglu u tha gazetarëve se dëmtimi i rrugës siriane që të çon larg kalimit kufitar po pengon reagimin ndaj tërmetit.

“Ka disa vështirësi përsa i përket ndihmës së Turqisë dhe komunitetit ndërkombëtar [për të arritur në Siri]”, tha ministri i Jashtëm. “Për këtë arsye po bëhen përpjekje për të hapur edhe dy porta kufitare”.

Në Turqi dhe Siri, si pasojë e tërmeteve të fuqishme të 6 shkurtit, kanë humbur jetën mbi 11.700 persona.

Zyrtarët thanë më 8 shkurt se 9.057 persona janë konfirmuar se janë vrarë në Turqi dhe 2.662 në Siri.

Numri i viktimave pritet të rritet, teksa ekipet e shpëtimit kanë vazhduar të kërkojnë për të mbijetuar të tërmeteve të fuqishme.

Tërmeti i parë i 6 shkurtit ishte 7.8 ballësh me epiqendër rreth 26 kilometra nga qyteti Nurdagi dhe rreth 33 kilometra larg qytetit Gaziantep, tha Shërbimi Gjeologjik amerikan. Po ashtu, gjatë po asaj dite, u regjistrua një tërmet tjetër i fuqishëm prej 7.5 shkallësh të Rihterit.

Qendra sizmologjike e Evropës (EMSC) ka njoftuar se para më pak se një orë Turqia është goditur nga një tërmet tjetër me fuqi prej 5.5 magnitudë.

Deri më tani nuk raportohet për viktima, të lënduar apo dëme materiale

Ndryshe javën e kaluar Turqia dhe Siria janë goditur nga një tërmet shkatërrues, ku si pasojë kanë humbur jetën mbi 11 mijë persona.

E ekipet e shpëtimit po vazhdojnë me operacionet e kërkim-shpëtimit, të personave që kanë mbetur të ngujuar nën rrënojat e ndërtesave të shembura.

Në Turqi kanë arritur shumë ekipe të shpëtimit nga vende të ndryshme të botës, ndërsa presidenti turk Recep Tayyip Erdogan ka vizituar zonat e goditura nga tërmeti.

Me mbërritjen në zonat e prekura nga tërmeti i fuqishëm i 6 Janarit, presidenti turk Recep Tayyip Erdogan tha për mediat se të gjitha institucionet po punojnë për përballimin e kësaj fatkeqësie.

Erdogan u shpreh se puna e ekipeve të kërkim-shpëtimit po vijon, tashmë 57 orë pas tërmetit tragjik e po ashtu po bëhet gjithçka sipas tij për strehimin e njerëzve të cilët kanë mbetur pa shtëpi.

“Të gjitha institucionet janë në këmbë bashkë me bashkitë pavarësisht ngjyrës politike, ditën e parë kishim disa probleme por tani situata është më nën kontroll.”

Numri i të vdekurve në Turqi thotë Erdogan ka shkuar në 8547 mijë, ndërsa të plagosur janë mbi 49 mijë.

“Qendra e goditjes së tërmetit ishte pikërisht këtu ku ndodhem unë, janë goditur 10 qarqe të Turqisë. Aktualisht konfirmohen 8574 të vdekur, 49133 të plagosur dhe 6444 godina të shembura. Jam i bindur se njerëzit do të kenë durim për të përballuar këtë fatkeqësi.”

Presidenti turk theksoi se qeveria ka synim të mbyllë procesin e rindërtimit të godinave të shkatërruara brenda një viti dhe se çdo familje e prekur nga tërmeti do të marrë 10 mijë lira.

“Nuk lejojmë që njerëzit tanë të qëndrojnë në rrugë, është koha të ecim të gjithë bashkë si popull. Pas një viti do ngremë godinat e reja, qëllimi ynë është të mballimin rindërtimin brenda një viti. Jemi gati me të gjitha kapacitetet tona hotelerike për strehimin e njerëzve, po bëjmë çdo gjë për t’ju garantuar ushqim, veshmbathje dhe transportimin në zonat e tjera. Ministria e Financave ka përcaktuar buxhetin për të nisur verifikimet e dëmeve dhe do japim 10 mijë lira për çdo familje të prekur nga tërmeti, në mënyrë që të përballojnë këtë situatë”- përfundoi Erdogan.

Në Turqi dhe Siri, si pasojë e tërmeteve të fuqishme të 6 shkurtit, kanë humbur jetën mbi 11.200 persona.

Zyrtarët thanë më 8 shkurt se 8.574 persona janë konfirmuar se janë vrarë në Turqi dhe 2.662 në Siri. Numri i viktimave pritet të rritet, teksa ekipet e shpëtimit kanë vazhduar të kërkojnë për të mbijetuar të tërmeteve të fuqishme.

Tërmeti i parë i 6 shkurtit ishte 7.8 ballësh me epiqendër rreth 26 kilometra nga qyteti Nurdagi dhe rreth 33 kilometra larg qytetit Gaziantep, tha Shërbimi Gjeologjik amerikan. Po ashtu, gjatë po asaj dite, u regjistrua një tërmet tjetër i fuqishëm prej 7.5 shkallësh të Rihterit.

Por, përpjekjet e shpëtimit janë penguar nga temperaturat e ulëta dhe qindra pasgoditje, të cilat e kanë bërë veçanërisht të rrezikshme punën në strukturat e paqëndrueshme.

Puna e ndërlikuar dhe e mundimshme e shpëtimit të njerëzve u zbulua sot në mëngjes kur Tom Bateman, korrespondentit të BBC-së për Lindjen e Mesme, iu kërkua të ndalonte transmetimin e tij të drejtpërdrejtë në mënyrë që shpëtimtarët të mund të dëgjonin për shenja jete.

Menjëherë pasi filloi transmetimin e tij përpara një pallati 10-katësh në Adana, i cili u rrëzua gjatë tërmetit, atij, si dhe të gjithë të tjerëve në afërsi, iu kërkua të heshtnin për një kohë.

Duke folur më pas, Tom tha se ishte një moment "si i ankthit ekstrem, por edhe i atyre fijeve të vogla shprese", shkruan BBC.

Video KETU

Një djalë tre vjeçar ishte mes njerëzve të nxjerrë nga rrënojat e ndërtesave të shembura në Turqi mbrëmë, ndërsa ekipet e shpëtimit po punonin në të gjithë vendin dhe fqinjin e tij, Sirinë, 48 orë pasi një magnitudë 7.8 goditi kombet.

Arif Kaan u bllokua nën pllaka betoni dhe armaturë në Kahramanmaras në temperatura nën zero, ndërsa shpëtimtarët prenë mbeturinat nga rreth tij, gjatë gjithë kohës duke u përpjekur të mos shkaktonin një tjetër shembje.

“Për momentin, emri i shpresës në Kahramanmaras është Arif Kaan”, deklaroi një reporter televiziv turk.

Por me një ditë të mbetur në atë që ekspertët e kanë quajtur 72 orët “kritike”, këto momente shprese pritet të ndodhin gjithnjë e më rrallë.