Rebelët Huthi fundosin një tjetër anije në Detin e Kuq

Bota

Rebelët Huthi fundosin një tjetër anije në Detin e Kuq

Më: 10 korrik 2025 Në ora: 16:15
Foto nga vendi i ngjarjes

Ky është momenti kur anija Eternit C me flamur liberian dhe në operim të një kompanie greke u fundos në Detin e Kuq.

10 anëtarë të ekuipazhit u shpëtuan, ndërsa 3 të tjerë humbën jetën nga sulmi me raketa i rebelëve Huthi të Jemenit.

Anija pësoi dëme të konsiderueshme dhe humbi të gjitha sistemet shtytëse. Në zonë janë duke u zhvilluar operacione kërkim-shpëtimi me qëllim gjetjen e personave të tjerë të stafit të mbijetuar. Pesë detarë u gjetën pasi kishin qëndruar 24 orë në ujë.

Dyshohet se një pjesë e personelit prej 25 anëtarësh është marrë peng nga rebelët Huthi. Grupi, i mbështetur nga Irani, deklaroi se sulmuan anijen sepse po shkonte drejt Izraelit.

Kjo është anija e dytë që Huthit fundosin brenda një jave. Që nga nëntori i vitit 2023, Huthët kanë goditur rreth 70 anije tregtare me raketa dhe dronë në Detin e Kuq, duke fundosur 4 prej tyre.

Grupi thotë se do të vijojë mbështetjen për palestinezët që luftojnë në Gaza.

comment Për komente lëvizni më poshtë
Sot mund të lexoni Shfletoni kopertinat