​Bilanci i viktimave nga përmbytjet në Sumatra rritet në 883

Bota

​Bilanci i viktimave nga përmbytjet në Sumatra rritet në 883

Më: 6 dhjetor 2025 Në ora: 17:39
​Bilanci i viktimave nga përmbytjet në Sumatra rritet në 883

Agjencia Kombëtare e Menaxhimit të Fatkeqësive (BNPB) të shtunën përditësoi shifrat e saj nga katastrofa ekologjike që goditi Aceh, Sumatra Veriore dhe Sumatra Perëndimore më 25 nëntor, raporton KosovaPress.

Sipas Gjeoportalit të të Dhënave të Fatkeqësive Indoneziane të BNPB, numri i konfirmuar i të vdekurve është rritur në 883, një rritje prej 47 gjatë ditës së kaluar, transmeton Anadollu.

Numri i personave të raportuar si të zhdukur është 520, dy më shumë se e premtja, ndërsa numri i të plagosurve u rrit nga 22 mijë në 42 mijë, ndërsa të dhënat e reja erdhën të shtunën në mëngjes.

Agjencia Kombëtare për Zbutjen e Fatkeqësive (BNPB) raportoi se Provinca Aceh ka regjistruar 345 vdekje, me 174 persona ende të zhdukur. Në Sumatrën Veriore, 312 persona janë konfirmuar të vdekur dhe 133 të zhdukur. Në Sumatrën Perëndimore, autoritetet kanë raportuar 226 vdekje, ndërsa 213 persona janë ende të zhdukur.

Abdull Muhari, drejtor i Qendrës së të Dhënave, Informacionit dhe Komunikimit për Fatkeqësitë të BNPB-së, tha se agjencia ka shtrënguar procedurat e verifikimit dhe validimit pasi identifikoi mospërputhje në raportet e mëparshme online të panelit. Ai deklaroi se shifrat e listuar në faqen e gjeoportalit janë korrigjuar bazuar në raportet online.

comment Për komente lëvizni më poshtë
Sot mund të lexoni Shfletoni kopertinat