Zgjerohet skema e shtesave edhe për fëmijët e lindur nga viti 2015, Murati: Nga nesër mund të aplikoni

Ekonomi

Zgjerohet skema e shtesave edhe për fëmijët e lindur nga viti 2015, Murati: Nga nesër mund të aplikoni

Më: 15 tetor 2021 Në ora: 16:03
Hekuran Murati

Ministri i Financave, Hekuran Murati me anë të një postimi ka bërë të ditur se  është zgjeruar skema e shtesave për fëmijë edhe për fëmijët e lindur nga viti 2015.

Murati u shpreh se aplikimi do të fillojë që nga dita e nesërme.

Ministri Murati u shpreh se që të pranohen aplikimet, qytetarët duhet të sigurohen që llogaria është në emrin e nënës.

Postimi i tij:

Si rezultat i performancës së mirë financiare dhe hapësirës fiskale të krijuar, sot kam marrë vendim që prej këtij muaji të zgjerohet skema e shtesave për fëmijë edhe për fëmijët e lindur nga viti 2015 e tutje.

Pra të gjitha nënat që kanë fëmijë të lindur nga data 1 janar 2015 e tutje, mund të aplikojnë për shtesa, të cilat do të fillojnë t’i marrin nga ky muaj.

Aplikimi për fëmijët 2015+ do të hapet prej ditës së nesërme.

Për të përfituar nga ky muaj e tutje, aplikimi duhet të bëhet më së largu deri me 24 tetor. Aplikimet që bëhen pas datës 24 tetor, shqyrtohen në muajin pasues.

—-

Pas pilotimit me sukses të masës së shtesave për fëmijë, kemi vërejtur se në disa raste llogaria bankare ka qenë e vendosur gabim.

Andaj që të parandalojmë gabime të tilla, marrë parasysh edhe vëllimin e shtuar të aplikimeve që pritet të rezultojë me zgjerimin e programit për gjeneratën 2015+, e kemi parë të nevojshme që në formularin e aplikimit të shtojmë edhe funksionin e validimit të llogarive bankare në kohë reale. Këtë e kemi bërë në bashkëpunim me ASHI dhe BQK.

Pra tani e tutje, që të pranohet aplikimi, duhet të siguroheni se llogaria është në emrin e nënës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat