ATK-ja do të publikojë aplikacionin, ku do të mund të verifikoni nëse jeni në listën e të paguarve

Ekonomi

ATK-ja do të publikojë aplikacionin, ku do të mund të verifikoni nëse jeni në listën e të paguarve

Më: 22 dhjetor 2021 Në ora: 21:29
ATK

Valentina Bytyqi-Sefa, zëdhënëse e Administratës Tatimore të Kosovës, ka thënë se kjo administratë është duke punuar në publikimin e një aplikacioni, ku qytetari mund ta verifikojë nëse është ose jo në listën e punëtorëve të paguar.

“Kemi filluar me një kampanjë të re, jemi në përfundim të aplikacionit, i cili do të ndihmojë qytetarët ta verifikojnë vetën se a janë në listat e punëdhënësit të tyre, pasi deri tani ky proces ka qenë më i komplikuar”, ka thënë Bytyqi.

Ajo po ashtu tha se këtij aplikacioni do t’i shtohet edhe opsioni për denoncimin e punëdhënësit nga punëtori, nëse ky i fundit nuk figuron në listën e tyre.

E gjithë kjo iniciativë, sipas saj, vjen pas shumë vështirësive që kanë hasur qytetarët në tërheqjen e 10 përqindëshit, ku shumë prej tyre nuk kanë pasur mundësinë e tërheqjes, pasi nuk kanë figuruar në lista.

“Tërheqja e 10 përqindëshit e ka nxjerrë në pah se shumë punëtorë nuk e kanë ditur prej kur ka filluar tërheqja e tyre, sepse nuk figurojnë në listat e Administratës Tatimore si punëtorë të paguar, pasi nuk janë paguar tatimi në burim dhe kontributet pensionale”, ka vazhduar ajo.

Ajo po ashtu shtoi se 98 për qind e shërbimeve që i marrin tatimpaguesit janë të digjitalizuar, që i bie se ata nuk kanë nevojë të shkojnë në objektin e ATK-së për shërbime.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat