Lufta mes Ukrainës dhe Rusisë po vazhdon ende, ani pse kanë kaluar më shumë se 15 ditë që nga fillimi i saj.
Rusia e pamëshirshme, ndërsa Ukraina shumë rezistence, po vazhdojnë luftimet e ashpra mes vete.
Kjo luftë ka arritur të destabilizoj mjaft shumë ekonominë e thuaja secilit vend europian, e natyrisht e ka prekur edhe Kosovën.
Rritja e çmimeve të produkteve pastaj edhe naftës, sikur e prekin kulmin e durimit të secilit qytetarë, ani pse kjo rritje vjen si rezultatet i zhvillimeve në gjithë botën.
Ekonomia e Kosovës që nga pandemia ka pasur zbehje dhe për t’u këndellur qeveria çdo ditë po punon rreth saj.
Mirëpo, qytetarët vazhdimisht po kërkojnë edhe tërheqjen e një shume nga Trusti, pasi të njëjtit thonë që rrogat janë shumë të vogla për të përballuar çmimet e larta.
E pjesa më e prekur në këtë mes është ajo e pensionistëve, pensionet e të cilëve mund të mos ju dalin as edhe për nevojat esenciale të tyre.
Mirëpo a duhet të ketë rritje të pensioneve?
Lufta mes Ukrainës dhe Rusisë po vazhdon ende, ani pse kanë kaluar më shumë se 15 ditë që nga fillimi i saj.
Rusia e pamëshirshme, ndërsa Ukraina shumë rezistence, po vazhdojnë luftimet e ashpra mes vete.
Kjo luftë ka arritur të destabilizoj mjaft shumë ekonominë e thuaja secilit vend europian, e natyrisht e ka prekur edhe Kosovën.
Rritja e çmimeve të produkteve pastaj edhe naftës, sikur e prekin kulmin e durimit të secilit qytetarë, ani pse kjo rritje vjen si rezultatet i zhvillimeve në gjithë botën.
Ekonomia e Kosovës që nga pandemia ka pasur zbehje dhe për t’u këndellur qeveria çdo ditë po punon rreth saj.
Mirëpo, qytetarët vazhdimisht po kërkojnë edhe tërheqjen e një shume nga Trusti, pasi të njëjtit thonë që rrogat janë shumë të vogla për të përballuar çmimet e larta.
E pjesa më e prekur në këtë mes është ajo e pensionistëve, pensionet e të cilëve mund të mos ju dalin as edhe për nevojat esenciale të tyre.
Mirëpo a duhet të ketë rritje të pensioneve?
Kadriaj: Nëse nuk kemi rritje të pagës minimale, do të kemi ikje të qytetarëve të vendit
Ekonomisti Mustafë Kadriaj.
Në lidhje me këtë temë në një prononcim për “Bota sot”, flet ekonomisti Mustafë Kadriaj.
Ai u shpreh i habitur me mos ndërmarrjen e veprimeve të duhura nga ana e kryeministrit Kurti, pavarësisht disa vendimeve që i ka marrë, por nëse paga minimale nuk rritet atëherë do të ketë emigrim më të madh të qytetarëve.
“Është e habitshme sjellja e Kryeministrit me të marr mandatin, e them këtë për faktin që gjatë gjithë kohës sa ka qenë në opozitë dhe në zgjedhjet e fundit vazhdimisht ka folur për mirëqenie duke e harruar edhe bashkimin kombëtar, ndërsa me të marr mandatin për çdo kërkesë nga qytetarët vazhdimisht arsyetohet që nuk ua lejon buxheti, duke hedhur fajin tek qeveritë e kaluara. Pra, me të marr mandatin dy hapa i ka bërë duke i përkrahur lehonat me 10 euro dhe 20 euro si dhe pensionet i ka nivelizuar në 100 euro. Kjo do të ishte e pranueshme sikur të ishin çmimet e verës së kaluar, por që nga vjeshta e këndej kemi vazhdimisht rritje të çmimeve derisa paga minimale është shumë e ulët. Por, edhe nëse do të kemi rritje sipas deklarimit të Qeverisë nuk do rritet më shumë se 264 euro, pra me këtë nivel të pagave dhe me këtë rritje të çmimeve për fat jo të mirë qytetari një hapë e para do të orientohet drejt emigrimit, e që kjo do ketë pasoja të shumanshme duke u shkatërruar familjet njëherazi do të dobësohet fuqia punëtore”, u shpreh ai.
Më tej ai thotë që qytetarët shpresojnë që kryeministri Kurti të vë në zbatim interesat e tyre në këtë situatë të tensionuar ekonomike.
“Vlerësoi që kërkesat e qytetarëve janë vetëm fontanë dëshirash para qeverisë Kurti për faktin që me votën e tyre i kanë krijuar komoditet që kryeministri Kurti të sillet sipas tekeve të tij e jo sipas kërkesave të qytetarëve. Me këtë dua të theksoj se sado që ne e ngrisim si shqetësim mirëqenien nuk do të përfillen nga kryeministri Kurti, pra mbetet në mëshirën dhe agjendën e tij”, theksoi Kadriaj për “Bota sot”.
Mehmeti: Duhet të ketë rritje të pagës pasi në vazhdimësi kemi rritje të çmimeve
Analisti politik, Faton Mehmeti
Ndërsa analisti politik, Faton Mehmeti në një bashkëbisedim me “Bota sot”, thotë që me rritjen e çmimeve duhet të rriten edhe pagat pasi pensionistët nuk mund t’i përballojnë çmimet e larta.
“Natyrisht se pagat duhet të rritën në të gjithë sektorët, duke përfshirë në veçanti moshën më të ndjeshme atë të pleqërisë. Me rritjen e çmimeve edhe pagat duhet të rriten në mënyrë që të përballohen sado pak çmimet e larta. Kështu që, pagat e pleqërisë të rritën deri në 330 euro, derisa ato në sektorët tjerë të jeni mbi 800 euro”, potencoi analisti.
Në fund, ai shton që nëse këto pakënaqësi nuk trajtohen, atëherë Kosova mund të ketë pasoja të mëdha për vendin.
“Përndryshe pakënaqësitë do të rriten me qytetarët, e këto pakënaqësi do i shprehin duke ikur nga vendi. Ose të rriten çmimet ose Kosova do të zbrazet, në anën tjetër mosha e pleqërisë mund të vdesin edhe si pasojë e kushteve të rënda, në pamundësi për të siguruar edhe ilaçet”, përfundoi Mehmeti për “Bota sot”.