Kryesuesi i KPK-së priti në takim Drejtorin e Byrosë Kosovare të Sigurimit Sami Mazreku

Ekonomi

Kryesuesi i KPK-së priti në takim Drejtorin e Byrosë Kosovare të Sigurimit Sami Mazreku

Më: 7 qershor 2022 Në ora: 13:46
Foto nga takimi

Kryesuesi i Këshillit Prokurorial të Kosovës, Jetish Maloku, ka pritur në takim Drejtorin Ekzekutiv të Byrosë Kosovare të Sigurimit, Sami Mazreku.

Gjatë këtij takimi Kryesuesi Maloku është njoftuar nga Mazreku, për aktivitetin e Byrosë Kosovare të Sigurimit të zhvilluar në 15 muajt e kaluar dhe avancimet që ka shënuar ky institucion në këtë periudhë, duke funksionalizuar edhe sistemin e Qendrës Informative të Byrosë, të njohur si “InsureX”.

Po ashtu, dy bashkëbiseduesit kanë pasur temë diskutimi krijimin e bashkëpunimit në mes të dy institucioneve, veçanërisht për shkëmbimin e përvojave profesionale mes dy institucioneve përkatëse.

Kryesuesi Maloku, ka vlerësuar zhvillimet teknologjike në Byronë Kosovare të Sigurimit me zbatimin e sistemit qendror për sigurimet “InsureX”, si dhe gatishmërinë për vijimin e bashkëpunimit ndërinstitucional në fushën e shkëmbimit të të dhënave për rastet e aksidenteve në komunikacion të mundësuar përmes këtij sistemi, bazuar në nenin 24 të Ligjit Nr. 04/L-018 për Sigurimin e Detyrueshëm nga Auto përgjegjësia.

Të dy përfaqësuesit e institucioneve u shprehen të gatshëm për vazhdimin e komunikimeve drejtë formalizmit të bashkëpunimit përmes nënshkrimit të një Memorandumi të Bashkëpunimit, në të cilin do të përcaktohen të drejtat dhe autorizimet e palëve me qëllim të ofrimit të shërbimeve sa më të mira për qytetarët e Republikës së Kosovës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat