Ministria cakton çmimin e naftës dhe benzinës për 24 orët e ardhshme

Ekonomi

Ministria cakton çmimin e naftës dhe benzinës për 24 orët e ardhshme

Më: 29 qershor 2022 Në ora: 09:28
Foto ilustrim

Ministria e Industrisë, Ndërmarrësisë dhe Tregtisë ka njoftuar të mërkurën se limiti maksimal për çmimet e derivateve edhe për 24 orët e ardhshme mbesin të njëjta sikur një ditë më parë.

Ministria njofton se deri të enjten në ora 10:00, çmimi maksimal i lejuar i produktit dizel është: 1.86 euro centë për litër, çmimi maksimal i lejuar i produktit benzinë është: 1.74 centë euro për litër.

Po ashtu, çmimi maksimal i lejuar i produktit gaz është 0.78 centë për litër.

Ky vendim, sipas MINT është marrë bazuar në udhëzimin administrativ për rregullimin e çmimeve të produkteve të naftës dhe karburanteve dhe masat mbrojtëse, Ministria e Industrisë, Ndërmarrësisë dhe Tregtisë, respektivisht departamenti për rregullimin e tregut të naftës.

Mësohet se deri tash janë ndëshkuar tre operatorë ekonomik të derivateve për mosrespektim të vendimit të ministrisë.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat