Mbi 170 milionë € humbje të Trustit për 9 muaj

Ekonomi

Mbi 170 milionë € humbje të Trustit për 9 muaj

Më: 14 nëntor 2022 Në ora: 11:00
Foto ilustrim

Fondi i Kursimeve Pensionale të Kosovës (FKPK) ka vazhduar me rezultate negative në investimet e kursimeve pensionale të qytetarëve.

Sipas raportit të Bankës Qendrore të Kosovës (BQK) për sistemin financiar deri në muajin shtator të këtij viti, humbjet e Trustit për periudhën janar-shtator 2022 arrijnë shumën e përgjithshme prej 170.5 milionë €, raporton Front Online.

Vlera e përgjithshme e aseteve të Trustit kalon shifrën prej 2.3 miliardë €.

Përderisa investimet e Trustit në tregjet ndërkombëtare kanë marrë tatëpjetën, së shpejti deputetët e Kuvendit të Kosovës pritet të vendosin për iniciativën që qytetarëve të Kosovës t’u lejohet tërheqja e deri 30% të kursimeve pensionale.

Kjo iniciativë njëher ka dështuar në Kuvend, përderisa është rikthyer sërish pas një peticioni qytetarë me mbi 17 mijë nënshkrime.

Madje javën e kaluar lidhur me tërheqjen e mjeteve të Trustit është protestuar në qendër të Prishtinës.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat