“Edhe ne kemi zemër”, hajdutët i kthejnë makinën gruas që ja vodhën, arsyeja…

Evropë

“Edhe ne kemi zemër”, hajdutët i kthejnë makinën gruas që ja vodhën, arsyeja…

Më: 17 janar 2021 Në ora: 17:33
Foto

Një histori e padëgjuar më parë ajo që i ka ndodhur një gruaje në Itali, ku hajdutët që i kishin marrë makinën, ja kthyen sërish pas disa ditësh, e madje shoqëruar edhe me një letër ndjese.

Maria Elena Barile-s, cila vuan nga skleroza e shumëfishtë, iu vodh makina më 13 janar në parkingun e spitalit, ku ajo kishte shkuar për vizitë.

Pas kësaj, e bija, Rita Damiani, bëri një postim prekës në rrjetet sociale, ku tregonte se automjeti ishte i përshtatur për personat me aftësi ndryshe dhe se nënë së saj nuk i kishin vjedhur vetëm makinën, por “krahët, këmbët dhe mjetin e vetëm të lirisë së saj”.

E me sa duket historia e gruas ka prekur edhe vetë hajdutët. Ato i kanë rikthyer makinën, duke i lënë edhe një letër ku i kërkonin të falur.

“Edhe ne kemi zemër, ju kërkojmë ndjesë, nuk e dinim për problemin tuaj. Ju kërkojmë ndjesë nga zemra, hajdutët”, shkruhej në letër.

Fotoja e letrës është publikuar nga vetë Rita Damiani, pasi gjeti makinën e së ëmës.

Shfaq komentet
comments powered by Disqus
Sot mund të lexoni Shfletoni kopertinat