Të dy partitë që ndajnë pushtetin në krye të Lihtenshtajnit, tani do të thirren për të formuar një koalicion të ri.
Secili fitoi 35.9 për qind të rreth 20 mijë votave në zgjedhjet parlamentare të së dielës, sipas agjencisë zvicerane të lajmeve Keystone-ATS.
Vetëm 23 fletëvotime ndanë Partinë Qytetare Progresive (FBP) dhe Bashkimin Patriotik (VU), të cilët kanë drejtuar Lihtenshtajnin, kufizuar nga Zvicra dhe Austria, që nga Lufta e Dytë Botërore, raporton euronews.
Parlamenti lokal, Landtag, i cili ka 25 deputetë, tani duhet të emërojë qeverinë, të kryesuar nga Daniel Risch, (VU) ose Sabine Monauni (FBP), e cila do të ishte gruaja e parë që drejton vendin ku grave u dha e drejta për të votuar në vitin 1984.
Lihtenshtajni, një monarki kushtetuese, është një shtet i vogël, i prosperuar me nivele të ulëta të taksave të korporatave. Është e lidhur ngushtë me Zvicrën gjersa ka një bashkim doganor dhe të njëjtën monedhë (franga zvicerane), me vendin.
Princi Hans-Adam II, 75, i cili vlen 3.6 miliardë euro, drejtoi Lihtenshtajnin deri në vitin 2004 kur i dorëzoi pushtetin djalit të tij, Princit Alois.
