Hungaria nis nesër vaksinimin me vaksinën kineze

Evropë

Hungaria nis nesër vaksinimin me vaksinën kineze

Më: 23 shkurt 2021 Në ora: 16:28
Ilustrim

Hungaria nis nesër vaksinimin me vaksinën kineze Sinopharm. Hungari bëhet kështu vendi i parë i BE që përdor vaksinën kineze për të imunizuar qytetarët e saj.

Qeveria njoftoi në llogarinë e saj zyrtare në Facebook se vaksinat Sinopharm do të jepen për herë të parë si pjesë e një fushate vaksinimi të filluar në dhjetor me vaksinën Pfizer-BioNTech.

Hungaria gjithashtu ka blerë doza të vaksinës ruse Sputnik, e cila, ashtu si vaksina Sinopharm, nuk është miratuar nga rregullatorët përkatës të BE.

Qeveria e krahut të djathtë të vendit, e cila kritikon ngadalësinë e programit të vaksinimit të BE, ka njoftuar në janar se arriti marrëveshje për të blerë 5 milion doza të vaksinave Sinopharm dhe 550,000 dozat e para arritën në Budapest javën e kaluar.

Shfaq komentet
comments powered by Disqus
Sot mund të lexoni Shfletoni kopertinat