Varianti B117 i coronavirusit mund të bëhet dominues në Gjermani – më ngjitës dhe më i rrezikshëm, në të gjitha grupmoshat

Evropë

Varianti B117 i coronavirusit mund të bëhet dominues në Gjermani – më ngjitës dhe më i rrezikshëm, në të gjitha grupmoshat

Më: 5 mars 2021 Në ora: 15:52
Foto ilustrim

Një variant më ngjitës i coronavirusit i zbuluar për herë të parë në Britani mund të bëhet së shpejti lloji mbizotërues në Gjermani.

Kjo, sipas Institutit Robert Koch, shkruajnë mediat e huaja, përcjell Telegrafi, do ta bënte të vështirë ndalimin e përhapjes së tij.

Lothar Wieler tha se varianti B117 tani përbën më shumë se 40% të rasteve të coronavirusit në Gjermani, krahasuar me rreth 6% të rasteve katër javë më parë.

“Është e parashikueshme që B117 së shpejti do të jetë variant mbizotërues në Gjermani dhe pastaj do të jetë edhe më e vështirë për të mbajtur virusin nën kontroll sepse B117 është më ngjitës dhe madje edhe më i rrezikshëm në të gjitha grupmoshat”, tha ai.

Ndryshe, Gjermania ka në plan të zgjasë izolimin për shkak të pandemisë deri më 28 mars, por disa kufizime do të lehtësohen duke filluar nga 8 marsi.

Në anën tjetër, mjekët kanë paralajmëruar për një valë të tretë të afërt të coronavirusit. 

commentFirst article
Sot mund të lexoni Shfletoni kopertinat