Numri i të vdekurve nga coronavirusi në Itali arriti në 100 mijë, duke e bërë atë vendin e gjashtë që ka arritur këtë rezultat, sipas të dhënave të Universitetit Johns Hopkins.
Të dhënat e Ministrisë Italiane të Shëndetësisë treguan se vendi regjistroi edhe 318 vdekje të tjera në 24 orët e fundit, e cila e dërgon totalin gjatë pandemisë në 100,103.
Kryeministri Mario Draghi kujtoi të hënën se si një vit më parë, më 10 mars, Italia ishte vendi i parë perëndimor që deklaroi një Zonë të Kuqe me masa të forta bllokimi.
Ai tha se vendi po sheh një rritje të numrit të rasteve. Ministria Italiane e Shëndetësisë tha javën e kaluar se varianti britanik ishte duke u përhapur.
Pothuajse 5.5 milionë doza të vaksinave janë dhënë në vend, por Draghi tha se synon të përshpejtojë orarin e vaksinimit.
