Profesori i Pulmonologjisë së Kujdesit Intensiv në Greqi, Theodoros Vasilakopulos, është shprehur se nëse nuk arrihet vaksinimi masiv, atëherë nuk mund ti rikthehemi normalitetit si parë.
Duke shtuar se edhe aktivitetet festive nuk mund të zhvillohen në mënyrë masive dhe të pakontrolluara.
Ai ka folur edhe për situatën epidemiologjike në Greqi duke shtuar se problemi me pandeminë nuk mund të zgjidhet vetëm me teste molekulare apo teste të shpejta.
“Kemi vënë re se me rritjen e aktiviteteve festive janë rritur edhe rastet, pra pa vaksinim masiv nuk mund të kemi argëtim”, ka thënë ai.
I ndalur tek situata në Britani, mjeku grek nuk dakordohet me hapjen masive, duke ritheksuar: “Ne duhet të kuptojmë se një jetë normale bëhet vetëm nëse arrijmë vaksinim masiv, gjithçka tjetër është e destinuar të dështojë”.
