Kryeministri britanik Boris Johnson ka deklaruar se do të vazhdojë punën për rritjen e nivelit të jetesës në Mbretërinë e Bashkuar.
Gjatë një fjalimi të mbushur me batuta, ai u shpreh se qeveria e tij do të arrijë një ekonomi me rroga të lartë dhe taksa të ulëta si dhe u zotua të përmirësojë kushtet për kujdesin social.
Fjalimi që zgjati rreth 45 minuta ishte i pari në një sallë të madhe që prej fillimit të pandemisë.
Johnson u shpreh se fitorja dërrmuese në zgjedhjet e përgjithshme të vitit 2019 e ka ngarkuar qeverinë e tij me përgjegjësi të madhe për të ofruar ndryshimin e kërkuar nga qytetarët.
