Në Norvegji, një person qëllon mbi qytetarët, me hark dhe shigjetë, disa të vdekur

Evropë

Në Norvegji, një person qëllon mbi qytetarët, me hark dhe shigjetë, disa të vdekur

Më: 13 tetor 2021 Në ora: 21:45
Foto ilustrim

(E plotësuar) - Të paktën 5 persona kanë humbur jetën dhe disa të tjerë kanë mbetur të plagosur pas një sulmi me shigjeta mbrëmjen e së mërkurës në Norvegji.

Ngjarja ndodhi në qytetin e Kongsberg-ut ndërsa sipas raportimeve është identifikuar edhe autori. Mediat në Norvegji raportojnë se bëhet fjalë për Reiner Winklarson, i cili është vënë në pranga.

Mesa duket ai e ka paralajmëruar sulmin në një video të publikuar në YouTube, disa ditë më parë.

Image

Motivet për sulmin, që ndodhi në vendndodhje të ndryshme të qendrës së qytetit me 28,000 banorë mbeten ende të paqarta. Të plagosurit janë dërguar në spital dhe nuk dihet ende në çfarë gjendjeje shëndetësore janë.

***

Disa njerëz janë vrarë dhe të tjerë janë plagosur në Norvegji pasi një burrë përdori një hark dhe shigjetë për t’i sulmuar ata.

Sipas mediave të huaja,  i dyshuari u kap pas sulmit të mërkurën vonë në qytetin Kongsberg, 80 milje (80km) në jug-perëndim të kryeqytetit, Oslo, tha një zëdhënës i policisë.

“Burri është kapur … nga informacioni që kemi tani, ky person i ka kryer këto veprime i vetëm”, u tha gazetarëve shefi i policisë, Øyvind Aas. “Disa njerëz janë plagosur dhe disa kanë vdekur”.

Ai nuk pranoi të komentojë numrin e viktimave, por tha se kishte “disa skena krimi”.

Mediat lokale raportuan një operacion të madh të reagimit emergjent në qytet, duke përfshirë policinë e armatosur, dy helikopterë dhe më shumë se dhjetë ambulanca.

Ministrja norvegjeze e drejtësisë dhe sigurisë publike, Monica Maeland, ka marrë përditësime mbi sulmet dhe po monitoronte nga afër situatën, tha ministria. 

Sot mund të lexoni Shfletoni kopertinat