Ngjarje tronditëse/ Ish-i dashuri vret me çekiç 49-vjeçaren, policia zbardh detajet shokuese

Evropë

Ngjarje tronditëse/ Ish-i dashuri vret me çekiç 49-vjeçaren, policia zbardh detajet shokuese

Më: 21 tetor 2021 Në ora: 13:15
Vendi ku ndodhi vrasja

Një ngjarje tronditëse ka ndodhur në Itali. Një 49-vjeçare është vrarë nga ish-i dashuri i saj.

Mediat në vend raportojnë në se bëhet fjalë për 49-vjeçaren Elena Casanova e cila u vra me çekiç nga 59-vjeçari Ezio Galesi në mes të rrugës në Brescia.

“Telefononi karabinierët, e vrara me çekiç,” është dëgjuar t’u thërrasë fqinjëve autori, i cili është vënë në pranga.

Ngjarja ndodhi jashtë shtëpisë së gruas e cila jetonte në fshat prej 15 vitesh dhe ishte e angazhuar me fushatat mjedisore me komunitetin lokal.

Karabinierët, që kanë rindërtuar skenën e krimit, kanë deklaruar se babai i dy fëmijëve e ndoqi ish të dashurën dhe kur ajo parkoi, ai fillimisht i theu xhamin e makinës me çekiç dhe më pas nisi të godiste gruan e cila ndërroi jetë në vend.

Alarmi u ngrit nga fqinjët të cilët dëgjuan të bërtiturat e gruas dhe më pas edhe të autorit. Ky i fundit priti në rrugë derisa erdhi policia dhe u dorëzua. Mesa duket, çifti ishin ndarë prej një viti dhe Elena Casanova kishte nisur një marrëdhënie të re.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat