Pandemia e Covid-19, Rusia regjistron rekord të ri vdekjesh dhe infektimesh

Evropë

Pandemia e Covid-19, Rusia regjistron rekord të ri vdekjesh dhe infektimesh

Më: 24 tetor 2021 Në ora: 06:23
Ilustrim

Në Rusi ka shpërthyer një valë e re infektimesh dhe vdekjesh nga Covid-19. Sipas autoriteteve, Rusia regjistroi rekord të ri vdekjesh dhe infektimesh.

Gjatë 24 orëve të fundit u regjistruan 1 075 persona të vdekur dhe 37 678 të infektuar.

Kjo është dita e tretë radhazi që Rusia po njeh këtë rritje drastike të rasteve dhe vdekjeve. Që prej muajit qershor, vendi është përballur me një valë të re të epidemisë, e shkaktuar nga shfaqja e varianteve më agresive, respektimi i ulët i përdorimit të maskave dhe vështirësitë e mëdha të fushatës së vaksinimit.

Numri i të vdekurve tani ka arritur në 229 528, duke e bërë Rusinë vendi më i prekur nga vdekjet në Evropë. Por këto të dhëna janë kryesisht të nënvlerësuara, pasi agjencia e statistikave Rosstat ka numëruar më shumë se 400 000 të vdekur në fund të gushtit.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat