Fatkeqësia e dekadës, rritet në 52 numri i të vdekurve në minierën e qymyrit

Evropë

Fatkeqësia e dekadës, rritet në 52 numri i të vdekurve në minierën e qymyrit

Nga: A.ZH Më: 26 nëntor 2021 Në ora: 00:13
Miniera e qymyrit është në Siberi, rreth 3,500 km (2,175 milje) në lindje të Moskës

Është rritur në të paktën 52 persona numri i të vdekurve në fatkeqësinë më të rëndë të minierave në Rusi në një dekadë.

Incidenti filloi kur pluhuri i qymyrit në një bosht ventilimi mori flakë të enjten, duke mbushur minierën e Siberisë me tym dhe duke vrarë 11 persona, raporton BBC, përcjell Bota sot.

Në perëndim të natës, një operacion i dështuar për të gjetur dhjetëra minatorë të zhdukur u kthye në tragjedi pasi disa shpëtues thuhet se u mbytën.

Një burim i shërbimeve të urgjencës i tha një agjencie të lajmeve se "askush nuk ka mbetur gjallë".

Shumica e 285 njerëzve në minierën Listvyazhnaya, në rajonin e Kemerovës rreth 3,500 km (2,175 milje) në lindje të Moskës, u arratisën menjëherë pas incidentit, rreth orës 08:35 me kohën lokale, ditën e enjte.

Zyrtarët thanë se 49 ishin dërguar në spital me lëndime. Disa nga të plagosurit janë helmuar me tym, ndërsa katër mësohet se janë në gjendje kritike për jetën./Botasot

Image
Miniera e qymyrit është në Siberi, rreth 3,500 km (2,175 milje) në lindje të Moskës
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat