Varianti i ri erdhi, ka hyrë në Gjermani – 61 raste të dyshuara në Holandë

Evropë

Varianti i ri erdhi, ka hyrë në Gjermani – 61 raste të dyshuara në Holandë

Më: 27 nëntor 2021 Në ora: 15:43
Foto ilustrim

Pas Belgjikës, ka dyshime të forta se një rast i variantit të ri e shumë më frikësues të korovirusit është diktuar dhe në Gjermani, ndërsa në Holandë priten rezultatet përfundimtare të analizave për 61 persona të infektuar, të cilët kanë mbërritur në vend nga Afrika e Jugut.

Varianti i ri, Omicron i konsideruar si 500 herë më infektues se Delta, u zbulua pikërisht në këtë vend dhe tani po tmerron botën.

Sipas qendrës europiane për kontrollin e sëmundjeve, niveli i rrezikut “është shumë i lartë”, dhe duhen shtuar përpjekjet për imunizim.

Pfizer e Moderna i kanë hyrë punës, por thonë se do të duhen të paktën dy javë për të parë nëse vaksina funksionon dhe mbi variantin e ri.

Për çdo rast, autoritetet i mëshojnë idesë së marrjes së dozës së tretë përforcuese. Shtetet e BE-së vendosën një ditë më parë të pezullojnë të gjitha udhëtimet që vijnë nga shtetet e pjesës jugore të Afrikës, me shpresën të frenojnë përhapjen e variantit të ri.

Ndalesa prek vendei si Botsvana, Esvatini, Lesoto, Mozambik, Namibia, Afrika e Jugut dhe Zimbabve. Për personat e ardhur prej andej do të ketë testim, karantin e gjurmim të kontakteve.

Organizata Botërore e Shëndetësisë vetë e cilësoi Omicron si një variant vërtet për tu shqetësuar.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat