Italia asgjëson 4 milionë shpendë pas infeksioneve të shumta me gripin e frikshëm

Evropë

Italia asgjëson 4 milionë shpendë pas infeksioneve të shumta me gripin e frikshëm

Më: 7 dhjetor 2021 Në ora: 12:48
Foto ilustrim

4 milionë shpendë janë asgjësuar në Itali vetëm javët e fundit si pasojë e gripit H5N1, i cili me raste ka qenë i pranishëm edhe në Republikën e Kosovës.

Ndërkohë që në të gjithë gadishullin numërohen dhjetëra e dhjetëra qendra infeksioni sikurse në të gjithë Evropën.

Sipas të dhënave të Institutit Zooprofilaktik të Venecias shumica e rasteve janë vërejtur tek stabilimentet me pula që shërbejnë për mish.

Megjithatë dje është zbuluar edhe një mjelmë mbretërore e ngordhur dhe rezultoi se kishte qene e infektuar pikërisht me këtë virus. Autoritet janë të shqetësuara pasi po përhapet me shpejtësi, kryesisht nga shpendët e vegjël të lirë, dhe deri tani veriu i vendit është ai më i prekuri.

Ndërkohë që problemi është vërejtur në të gjithë kontinentin evropian dhe dhjetëra e dhjetëra stabilimente janë prekur.

Ekspertët shpjegojnë se rreziku është iu lartë dhe dëmi gjithashtu, pasi në një stabiliment sikur një kafshë të rezultojë e sëmurë, duhen asgjësuar të gjitha, që mund të jenë qindra apo edhe mijëra.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat