Ish-udhëheqësi Poroshenko kthehet në Ukrainë për t'u paraqitur në gjykatë

Evropë

Ish-udhëheqësi Poroshenko kthehet në Ukrainë për t'u paraqitur në gjykatë

Më: 17 janar 2022 Në ora: 22:37
Petro Poroshenko

Ish-presidenti ukrainas Petro Poroshenko u kthye të hënën në Ukrainë për t'u përballur me gjykatën për akuzat për tradhti që ai beson se janë të motivuara politikisht, raporton AP.

Në aeroportin e Kievit, ku mbërriti me një fluturim nga Varshava të hënën në mëngjes, Poroshenko u prit nga disa mijëra mbështetës brohoritës. Disa mbanin pankarta ku shkruhej "Ne kemi nevojë për demokraci" dhe "Stop represioneve".

Nga aeroporti, Poroshenko u drejtua drejtpërdrejt në gjykatë, e cila do të vendosë nëse do ta caktojë atë në paraburgim në pritje të hetimeve dhe gjykimit.

Një prokuror ka pretenduar se Poroshenko, pronar i perandorisë së ëmbëlsirave Roshen dhe një nga biznesmenët më të pasur të Ukrainës, ishte përfshirë në shitjen e sasive të mëdha të qymyrit që ndihmoi në financimin e separatistëve të mbështetur nga Rusia në Ukrainën lindore në 2014-15.

Pasuritë e Poroshenkos janë ngrirë si pjesë e hetimit të tij mbi akuzat për tradhti të lartë. Ish-udhëheqësi i Ukrainës përballet me 15 vjet burg nëse shpallet fajtor.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat