​Inflacioni i çmimeve të prodhimit në Gjermani më i larti që nga viti 1949

Evropë

​Inflacioni i çmimeve të prodhimit në Gjermani më i larti që nga viti 1949

Më: 20 janar 2022 Në ora: 21:41
Foto ilustrim

Çmimet e prodhimit në Gjermani u rritën me më një ritëm të shpejtë që prej vitit 1949, të nxitura nga çmimet e larta të energjisë, raportoi sot Destatis.

Çmimet e prodhimit u rritën 24.2 për qind nga viti në vit në dhjetor, pas rritjes me 19.2 për qind në nëntor. Kjo ishte rritja më e madhe nga viti në vit që nga fillimi i sondazhit në 1949, që gjithashtu i tejkaloi parashikimet e ekonomistëve prej 19.4 për qind.

Në bazë mujore, inflacioni i çmimeve të prodhimit u rrit në 5.0 për qind nga 0.8 për qind në nëntor. Ekonomistët kishin parashikuar që çmimet të rriteshin sërish me 0.8 për qind. Të dhënat treguan se çmimet e energjisë u rritën me 69.0 për qind krahasuar me të njëjtën periudhë të vitit të kaluar. Në të njëjtën kohë, çmimet e mallrave të ndërmjetme u rritën me 19.3 për qind.

Duke përjashtuar energjinë, çmimet e prodhimit u rritën me 10.4 për qind në dhjetor, sipas të dhënave. Në vitin 2021, çmimet e prodhimit u rritën 10.5 për qind krahasuar me një rënie prej 1.0 për qind në vitin 2020.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat