“Ushtarë të relaksuar e të sigurt se lufta do të nisë”, pamje e fjalë nga kufiri Ukrainë-Rusi

Evropë

“Ushtarë të relaksuar e të sigurt se lufta do të nisë”, pamje e fjalë nga kufiri Ukrainë-Rusi

Më: 22 janar 2022 Në ora: 20:02
Fotografi nga kufiri Ukrainë-Rusi

Rreth 500 metra larg separatistëve të mbështetur nga Rusia, një grup ushtarësh ukrainas presin për një luftë që sipas tyre është e sigurt se do të vijë.

Sipas fotografit Timothy Fadek, ushtarët ukrainas janë të relaksuar, teksa sipas tij, të gjithë janë të pajtimit se do të ketë luftë, por nuk pajtohen me atë se nga do të vijë ai.

Ai tha se dy ushtarë ukrainas u “grindën” mes vete, për atë se nga do të vijë sulmi.

Image
Fotografi nga kufiri Ukrainë-Rusi

“Njëri tha: “Rusët nuk do të kalojnë kufirin, ata do të sulmojnë nga deti”, domethënë nga deti i Azov. Një ushtar tjetër nuk u pajtua me vlerësimet dhe tha, ‘Jo, sulmi do të vijë nga Bjellorusia”, ka thënë Fadek.

Më tej, fotografi ka folur edhe mbi gjendjen emocionale të ushtarëve ukrainas, ku tha se ata janë tërësisht të relaksuar dhe nuk kanë shfaqur asnjë lloj nervozizmi në fytyrat e tyre.

“Ata janë jashtëzakonisht të relaksuar. Nuk ka asnjë shenjë nervozizmi në fytyrat e tyre. Ata janë gati të luftojnë. Unë i pyeta ata: “A e dëshironi këtë luftë?’ Dhe ata thonë: ‘Sigurisht që jo”,, ka thënë Fadek për CNN.

Image
Fotografi nga kufiri Ukrainë-Rusi

Ndërsa, sa i përket popullsisë civile, fotografi ka folur edhe me një fermer të qytetit Muratova, qytet ky që është vetëm 20 minuta larg vijës së frontit.

“Kur e pyeta një fermer për mundësinë e një sulmi, ai ngriti super, teksa me tha se ‘kjo do të ndodhë, askush s’mund të bëjë asgjë për ta ndaluar këtë’”, ka thënë ai.

Image
Fotografi nga kufiri Ukrainë-Rusi
Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat