Ish-përfaqësuesi i lartë në Bosnje për dokumentin që shokoi Ballkanin: E kam në sirtarin tim!

Evropë

Ish-përfaqësuesi i lartë në Bosnje për dokumentin që shokoi Ballkanin: E kam në sirtarin tim!

Më: 22 janar 2022 Në ora: 22:25
Valentin Inzko

Ish-përfaqësuesi i lartë në Bosnje e Hercegovinë, Valentin Inzko tha se ‘non paper’, dokumenti jozyrtar  diplomatik që qarkulloi në Bruksel, për ndryshim të kufijve në Ballkanin Perëndimor sipas linjave etnike ekziston ende.

Inzko, i cili nuk është paraqitur në media që pas largimit nga posti i Përfaqësuesit së Lartë në Bosnje dhe Hercegovinë, ka dhënë një intervistë për mediat sllovene se ky ‘non-paper’ është në sirtarin e tij që gati katër vjet.

“Non-paper-i i famshëm për ndryshimin e kufijve në Ballkan, të cilin disa e inkurajuan në Slloveni, është në sirtarin tim për gati katër vjet”, tha Inzko në një intervistë të tij për mediat sllovene.

Një faksimile e intervistës në të cilën Inzko bën këto pretendime është publikuar në profilin e tij në Twitter nga kryeministri slloven Janez Jansa, i cili u spekulua si autor ose bashkëautor i këtij dokumenti.

Kujtojmë se në prill të vitit të kaluar dokumenti u publikua fillimisht nga media sllovene, nën autorësinë e pretenduar të kryeministrit slloven Janez Jansa  e në adresë të presidentit të Këshillit Europian Charles Michell, si një propozim mbi trajtimin e problematikave në rajon pasi Sllovenia të marrë Presidencën e BE-së në korrik. 

Duke qenë se ishte një dokument diplomatik jozyrtar që synonte të komunikonte pikëpamje dhe iniciativa të ndryshme pa karakter zyrtar, ai nuk kishte as nënshkrim.

Ekzistenca e këtij dokumenti është mohuar nga kryeministri slloven dhe anëtarët e Këshillit Evropian dhe i gjithë rasti, duke gjykuar nga deklaratat e fundit të ish-përfaqësueses së lartë, ende nuk ka marrë epilog.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat