Pamje të rënda: Momentet e tmerrit kur përdhunuesi mban të renë pa ndjenja në mes të qytetit para sulmit

Evropë

Pamje të rënda: Momentet e tmerrit kur përdhunuesi mban të renë pa ndjenja në mes të qytetit para sulmit

Më: 28 janar 2022 Në ora: 22:02
Pamje nga video

Në pamjet e mëposhtme shihen momentet drithëruese kur një predator i njohur seksual mban një grua të pandërgjegjshme mes qendrës së qytetit britanik, para përdhunimit në një sulm mizor.

Austin Osayande niste gjuetinë e tij në rrugët e errëta të Leeds në veri të Britanisë, për të gjetur viktima, si në rastin e 24-vjeçares së intoksikuar që priste për një taksi që të shkonte në shtëpi.

Pamjet e rënda të publikuara nga policia vendase tregojnë burrin që fillimisht ecte përkrah viktimës së tij derisa e mori të krahë kur ajo hezitonte për të ecur.

40 vjeçari Osayande ka pranuar tashmë krimin në gjykatën e Leeds dhe pret dënimin.

Ai ka pranuar gjithashtu akuzat e sulmit seksual në mënyrë të ngjashme për një tjetër viktimë  më 10 shtator 2021.

Ne gjykatë u tha se pamjet e kamerave të sigurisë tregonin Osayande më 14 gusht 2015, duke pritur për viktima në një parking makinash rreth orës 4:40 të mëngjesit.

Disa minuta më vonë ai i afrohet vajzës që po priste për një taksi pasi kishte qenë në bar me miqtë dhe ndjehej e dobët. Nuk ishte e qarte nese viktima humbet ndjenjat spontanisht apo kjo shkaktohet nga sulmuesi.

Osayande është dërguar në paraburgim dhe do të paraqitet në seancën e 23 shkurtit për të marrë dënimin.

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat