Aksident hekurudhor në Gjermani, përplasen dy trena – një i vdekur dhe mbi 30 të lënduar

Evropë

Aksident hekurudhor në Gjermani, përplasen dy trena – një i vdekur dhe mbi 30 të lënduar

Më: 14 shkurt 2022 Në ora: 19:34
Foto aksidenti

Një person ka humbur jetën dhe të paktën 30 janë lënduar, si pasojë e përplasjes së dy trenave në afërsi të Munihut, ka njoftuar policia gjermane.

Në një postim në Twitter, policia e këtij qyteti gjerman ka bërë të ditur se dy trenat janë përplasur në rajonin e Ebenhausen Schaftlarn që gjendet në juglindje të Bavarisë.

“Ekipe të shumta të shpëtimit dhe autoambulanca kanë dalë në vendin e ngjarjes, ku ka të lënduar”, thuhet ndër tjera në njoftim.

Ndërkaq e përditshmja gjermane Bild raporton se shoferi i trenit ka ngecur brenda kabinës.

Në anën tjetër policia është duke hetuar shkakun që çoi deri te ky aksident hekurudhor. 

comment Për komente lëvizni më poshtë
Sot mund të lexoni Shfletoni kopertinat