Kryediplomatja britanike: Ukraina mund të përballet me skenarin më të keq që në fillim të javës së ardhshme

Evropë

Kryediplomatja britanike: Ukraina mund të përballet me skenarin më të keq që në fillim të javës së ardhshme

Më: 19 shkurt 2022 Në ora: 17:41
Ministrja e Jashtme britanike, Liz Truss

Ministrja e Jashtme britanike, Liz Truss në Konferencën e Sigurisë së Mynihut foli për situatën në Ukrainë.

Ajo u shpreh se ky vend mund të përballet me skenarin më të keq që në fillim të javës së ardhshme.

“Ne duhet të përgatitemi për skenarin më të keq dhe ai skenari mund të ndodhë që në fillim të javës së ardhshme. Realiteti është se Rusia dëshiron ta kthejë orën mbrapa, ata duan ta kthejnë orën në vitet 1990 dhe më parë”, u shpreh ajo.

Tutje, ajo u shpreh se Rusia ka treguar se nuk është serioze për diplomacinë, shkruan The Guardian.

“Vetëm javën e fundit, ne kemi parë një dyfishim të dezinformatave dhe kemi parë operacione të rreme të flamurit në rajonin e Donbass. Kam frikë se Rusia ka treguar se nuk është serioze për diplomacinë”, tha ajo.

commentFirst article
Sot mund të lexoni Shfletoni kopertinat