Në kuadër të pushtimit rus, presidenti ukrainas Volodymyr Zelensky i ka bërë thirrje Izraelit të mbajë një qëndrim të qartë kundër Moskës, shkruan Blick.ch transmeton "Bota sot".
Në një fjalim me video-lidhje në Parlamentin izraelit, në të cilin krahasoi vazhdimisht pushtimin e Rusisë me Holokaustin, Zelenskyy tha se "80 vjet më parë, Ukraina mori vendimin për të shpëtuar hebrenjtë".
Tani është koha "që Izraeli të bëjë zgjedhjen e tij". “Indiferenca vret”, tha presidenti ukrainas, i cili është vetë hebre.
Kryeministri izraelit Naftali Bennett po përpiqet të ndërmjetësojë mes Rusisë dhe Ukrainës. Ai foli me liderët rusë Vladimir Putin dhe Zelensky në telefon javën e kaluar dhe fluturoi për në Moskë për t'u takuar me Putinin në fillim të këtij muaji.
