Pas masakrës në Buça, Ukraina publikoi imazhe të të vdekurve. Imazhi i një dore në tokë bëri xhiron e botës dhe u bë simbol i mizorive. Vajza e saj tani ka gjetur forcën të flasë për të treguar se si mësoi për vdekjen.
Një dorë e shtrirë në baltë. Gishtat e pajetë janë të shtrembër, manikyri i kuq bie në sy si një spërkatje e frikshme ngjyrash nga fotografia e zymtë. Fotoja u bë simbol i tmerrit të Buçës.
Qyteti ishte pushtuar nga ushtria ruse që nga 27 shkurti dhe mbeti kryesisht i pa-qasshëm për më shumë se një muaj. Regjistrimet dhe raportimet nga fshati i civilëve të vrarë shkaktuan tmerr në mbarë botën.
Dora i përket Iryna F.* 52 vjeçe. Ajo u vra nga rusët dhe la pas dy vajza të quajtura Nadiia F.* 31 vjeçe dhe Olga F. 26. Dy vajzat kanë mundur të arratisen nga Bucha por kanë qëndruar në kontakt me nënën e tyre. Së fundmi, vajza më e vogël kishte thirrur nënën e saj.
52-vjeçarja ishte duke shkuar për në shtëpi. Në fund të bisedës ajo i tha vajzës së saj. “Mami të do”, më pas e mbylli telefonin”, thotë vajza Olga për “Bild”.
Menjëherë pas kësaj, nëna e saj u qëllua nga një tank rus teksa po lëvizte me biçikletë në një rrugë anësore, tregon video satelitore. Mama Ira, siç e thërrisnin nënën me dashuri fëmijët dhe miqtë e saj, vdiq në këtë sulm.
Vajzat e morën vesh vdekjen e nënës së tyre përmes rrjeteve sociale
Një tronditje për familjen. “Ne të gjithë jetuam së bashku në fshatin Mykhaylivka-Rubezhivka, 15 minuta larg nga Bucha”, vazhdon vajza Olga. Para pushtimit të trupave të Putinit, ata do të kishin bërë një jetë krejtësisht normale. punë, pushime, miq. Dhe befas shpërtheu lufta për lumturinë e vogël. Tani mama Ira ka vdekur.
Olga dhe Nadiia e morën vesh vdekjen e nënës së tyre “përmes rrjeteve sociale”. Dy vajzat ende nuk mund ta besojnë se ajo nuk jeton më. Ajo kurrë nuk ka ndjerë një dhimbje të tillë. Olga ndihet më keq se kurrë në jetën e saj të re.
Fondacioni i krijuar në emër të nënës
Ukrainasja nuk është e vetme në fatin e saj. Vetëm në Bucha, më shumë se 410 njerëz ranë viktima të rusëve brutalë. Nuk është e qartë se sa prej tyre ishin prindër me fëmijë. Olga dëshiron të ndihmojë ukrainasit e tjerë që kanë përjetuar vuajtje të ngjashme si ajo.
Për këtë qëllim, ukrainasja tashmë ka krijuar një fondacion, të cilin e quajti "Mama Ira" për nder të nënës së saj. “Dua që të gjithë fëmijët që kanë humbur prindërit ose kanë vuajtur nga lufta në Ukrainë, të kenë mundësi të marrin ndihmë të kualifikuar. Në fund të fundit, ato janë vazhdimësia jonë dhe vlera më e rëndësishme”, shpjegon ajo. Një llogari dhurimi synon të mbrojë fëmijët ukrainas në nevojë.
Për shkak se imazhi i dorës së F. bëri xhiron e botës, Anastasiia S.* e kuptoi menjëherë se F. kishte vdekur. “Më thyhet zemra kur e pashë”, tha grimierja ukrainase për New York Times. Ajo e kishte njohur familjaren nga thonjtë e saj. Ajo ishte një grua e dashur.
