Këto janë tre rastet që kanë arritur pragun për gjenocid në gjykatat ndërkombëtare

Evropë

Këto janë tre rastet që kanë arritur pragun për gjenocid në gjykatat ndërkombëtare

Nga: M.L. Më: 13 prill 2022 Në ora: 18:08
Masakra e Srebrenicës

Çfarë është gjenocidi? Presidenti amerikan Joe Biden i ka cilësuar veprimet e Rusisë në Ukrainë si gjenocid, raporton Sky News transmeton "Bota sot".

Megjithatë, vlen të përmendet se gjenocidi ka një përkufizim të rreptë ligjor dhe rrallëherë është provuar në gjykatë.

Sipas Konventës së Gjenocidit të vitit 1948, gjenocidi është krimi i kryer "me qëllim për të shkatërruar, tërësisht ose pjesërisht, një grup kombëtar, etnik, racor ose fetar, si i tillë".

Vetëm tre raste deri më tani kanë arritur pragun për gjenocid në gjykatat ndërkombëtare: Masakra e Srebrenicës në 1995 e rreth 8,000 burrave dhe djemve myslimanë në Bosnje; masakra e Kamboxhiasve të Kmerëve të Kuq të pakicave çame dhe vietnamezëve në vitet 1970; dhe vrasja masive e tutsis në Ruandë në vitin 1994 që la 800,000 të vdekur.

Për të vendosur se është kryer gjenocid, së pari duhet të ketë prova që viktimat janë pjesë e një grupi të veçantë kombëtar, etnik, racor ose fetar.

Ajo gjithashtu ka nevojë për dëshmi të qëllimit specifik. Gjykata Ndërkombëtare Penale ka hapur një hetim për krimet e dyshuara të luftës dhe krimet kundër njerëzimit në Ukrainë, dhe gjithashtu ka juridiksion mbi gjenocidin./M.L

Të nderuar lexues të gazetës “Bota sot”, komentet që përmbajnë fyerje, ofendime dhe sharje nuk lejohen në portal. Andaj, komentet e juaja do të kalojnë në filtra për aprovim dhe të tillat që përmbajnë gjuhë që nuk përkon me rregullat, nuk do të aprovohen. Ju faleminderit.
Sot mund të lexoni Shfletoni kopertinat